Monday, April 29, 2013

birthday ko

kahit hindi ko sabihin, halata naman siguro... masaya ako!

busy ako kanina at marami ako naaccomplish sa work.



isa isa ko nireplyan ang mga greetings sa fb wall ko.  salamat sa effort at sa mga wishes nyo.  damang dama ko naman na marami nagmamahal sa akin bukod pa ung mga nag PM, nag text at tumawag.
gusto ko sana pahabain ang post na ito pero inaantok na talaga ako.  napagod ako ng konti sa munting salu salo.

sarap maging ako. :)

Friday, April 26, 2013

speechless

gusto ko samantalahin ang pagkakataong ito habang hindi pa nag eexpire ang mga nasa isip ko kahapon, with only 3 hours of sleep at walang contact lenses medyo nahihirapan ako pero itutuloy at tatapusin ko ito.  nagpapaka jenna hamilton ako hehehe blog blog blog

sa totoo lang hanggang ngayon napapangiti pa rin talaga ako habang inaalala ang nangyari kahapon. never ko naman kc inexpect yun at gusto ko magspeech. haha!  natuwa ako, medyo kinilig at sobrang natouched.  pikit pa ang isang mata ko kahapon from my afternoon nap nang sabihin nya na may new blog post sya.  "sige send mo link, magtimpla lang ako kape" sabi ko pa.  pagbalik sa harap pc sinimulan ko basahin.  base sa title, parang alam ko na pasalamat sa lahat ng supporters nya. artistahin eh!  tapos ayun may special mention na name si _____... daya!  medyo nagtampo ako. joke! so tinuloy ko ang pagbabasa... ako? nasa blog nya?  wow first time! biggy sa akin yun! kahit blind item lang, alam ko ako yun! haha  blog ng pasasalamat sobrang big deal sa akin yun. diba?  alam mo rin kung sino ka. :)

minsan talaga ginugulat tyo ng buhay.  may mga bagay tyong ginagawa hoping na it would matter sa mga taong espesyal sa atin kahit parang hindi naman nila napapansin at minsan din meron tayong nagagawa kahit maliit na bagay na hindi natin alam na malaki pala para sa iba.  parang ganun ang istorya eh.  nagpaka ako lang naman ako. nakipagkwentuhan, nakipagkulitan, sumagot sa mga tanong, nagshare ng maisipan ishare, nagbasa ng kwento, nagkomento, nakipag asaran at nakipagtawanan. ganun lang normal na medyo abnormal lang. haha  di ko naman alam na maappreciate pero syempre sana naman naenjoy kasi nag eenjoy ako at sobrang nakatulong sa akin.  parang nagbalik ang dating ako.  makulit, masigla at mukhang tanga lang...  i mean, di kailangan magpaimpress... walang pagkukunwari.  komportable. tama! yun ang saktong word.

eto lang yan eh, sa lahat ng pagkakataon sinusubukan kong maging mabuting anak, kapatid, kaibigan... hindi para sa kanila yun kundi para sa akin dahil dun ako masaya.  kahit minsan wala ako maitulong basta andito lang ako palagi, tagapakinig at minsan pambwisit.  kahit minsan iba ang pagpapakita kong ng kabutihan :P basta sinusubukan ko lang naman!  kung maappreciate nila or hindi ok lang sa akin.

di mo lang alam, mas ako ang dapat magpasalamat syo... thank you!  sa mga oras na sana ay ikinaiinip at ikinababaliw ko, napapasaya mo ako... sa mga sharings natin na nagstimulate ng pareho nating malikot na utak... sa mga advices, teka may matino ka bang advice? oh sige move on tayo! hahaha

nagpapaligsahan ang hilik ng kapatid ko at ang ingay ng keypad ko.  walang pasok.  matutulog ulet ako.

bilang pagtatapos eto ang bago kong motto: ang sarap maging ako!

Sunday, April 7, 2013

smothering love

kahapon, matapos ko basahin ang blog post na may kinalaman sa break-up, bigla ko naisipang balikan ang mga lumang post ko na may kinalaman naman sa lovelife ko.  yun naman talaga ang dahilan kung bakit ako nagblog.  para maidokumento ang mga pangyayari sa buhay ko na maaring makalimutan ko na sa future pero gusto ko pa rin alalahanin.  nakakatawa na parang kelan lang excited ako na pupunta sya dito. trying hard ako na maging isang mabuting gf.  alam mo yun? yung napakaraming nagbago.  nag adjust talaga ako.  naging masaya ako kahit minsan may mga bagay din na ikinalulungkot ko.  habang binabasa ko, syet! ganun ako magmahal?  ang galing ko mag inarte at ang bilis ko rin kiligin. napakababaw ko talaga. habang binabasa ko parang nagbabalik ako sa time na yun pati pakiramdam nagbalik din. at syet ulet! matagal na pala ako hindi masaya.  mahaba lang talaga ang aking pasensya dahil yun nga nagmahal ako eh.

minsan sumagi na rin sa isip ko, nabasa kaya nya lahat ang mga sinulat ko? natakot ba sya sa sobrang pagmamahal na ibinigay ko?  kasi para sa akin ganun lang yun eh oo or hindi. kung makipagcommit ka, commit 100%. hindi naman ibig sabihin nun mas mahal mo sya kesa sa sarili mo at kahit ganun nga, wala ako makitang masama dun.

ako, ginawa ko lang kung ano sa pakiramdam ko ang tama.

basta pag dumating na yung taong makakaappreciate sa akin, yung taong kaya akong mahalin, yung taong masaya na makita akong masaya... nako sasambahin ko talaga sya! ahahaha

nakakasakal? siguro... pero hindi nakakamatay.